Addasiad Cymraeg o The Paper Bag Princess, stori ddoniol wedi'i darlunio'n lliwgar am dywysoges fach nad yw ei hymdrech i dwyllo draig er mwyn achub ei chariad yn cael ei werthfawrogi o gwbl; i blant 5-7 oed.

A Welsh adaptation of The Paper Bag Princess, a colourfully illustrated humorous story about a young princess whose quest to outwit a dragon to save her prince goes unappreciated; for children aged 5-7 years.

Dyma’r llyfr diweddaraf yn y gyfres gan gwmni Houdmont o Gaerdydd sy’n cynnwys Dwi Eisiau Mynd, Siwt Eira Tomos a Moch. Mae’r rhain yn storïau llawn hiwmor a chwerthin iach i blant a’u rhieni. Dydy’r stori hon ddim yn eithriad. Ceir ynddi hanes tywysog, tywysoges a draig. Dyma gymeriadau cyfarwydd ym myd storïau hyd a lledrith, ond ceir fformiwla go fodern yma. Caiff y tywysog ei gipio, ac mae’r dywysoges yn ddewr ac yn llawn dychymyg wrth geisio’i achub. Dyma dywysoges y buasai’r ffeministiaid yn ein plith yn falch iawn ohoni.

Mae’r stori’n wreiddiol, a’r lluniau’n cydweddu i’r dim â’r testun. Dydw i ddim eisiau rhannu cyfrinach y diweddglo, ond digon yw dweud ei fod yn ddiwedd cofiadwy, ac yn peri i blant a’u rhieni wenu am amser hir ar ôl diwedd y stori. Mae’r stori hon a’r neges yn siŵr o apelio at blant o bob oed, a’u rhieni.

Lynwen Roberts

Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatâd Cyngor Llyfrau Cymru.

It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council.