Addasiad Cymraeg o Stephanie's Ponytail, stori ddoniol wedi'i darlunio'n lliwgar am un ferch fach yn llwyddo i droi'r drol ar ddosbarth cyfan o blant sy'n copïo ei steil gwallt yn ddyddiol; i blant 5-7 oed.

A Welsh adaptation of Stephanie's Ponytail, a colourfully illustrated humorous story about one young girl gaining the upper hand on a whole class of pupils who daily copy her hairstyle; for children aged 5-7 years.

Bob tro y mae Catrin yn newid steil ei gwallt, mae’r plant ysgol i gyd yn ei galw hi’n hyll. Ond y rhyfeddod mawr yw, erbyn trannoeth maen nhw i gyd yn ei dynwared hi; hyd nes i Catrin ddweud ei bod am siafio'i phen . . . gyda chanlyniadau doniol iawn.

Lluniau dychmygus a digri Michael Martchenko sy’n gwneud hwn yn llyfr doniol tu hwnt; yn enwedig y llun olaf yn y llyfr sy’n llwyddo i grynhoi’r diweddglo heb fod angen geiriau. Rhydd gyfle i blant ac athrawon drafod pynciau fel dynwared yn slafaidd, pwysigrwydd annibyniaeth, a sut i roi a derbyn beirniadaeth. Gresyn na fyddai’r addasydd wedi defnyddio ‘gennych’ neu ‘gynnoch’ yn hytrach na’r ffurf dafodieithol (ac anghywir) ‘ganddoch’.

Eiry Palfrey

Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatâd Cyngor Llyfrau Cymru.

It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council.