Titrwm
Llyfr rhyddiaith barddonol ei naws yw Titrwm sydd yn trafod y ffordd y mae Awen, merch fud a byddar, yn cyfathrebu gyda'r baban yn ei chroth. Cerdd gan T.H. Parry-Williams a esgorodd ar y teitl: 'titrwm' yw swn y cerrig mân y mae gwr ifanc yn eu taflu at ffenest ei gariad. A hithau yn methu cyfathrebu â'r un enaid byw, dyma fel y mae Awen yn ceisio magu perthynas â'r baban. Er ei bod yn unig ei byd ar sawl golwg, y mae gan Awen ei hiaith ei hun oddi mewn iddi yn ogystal â chyfoeth o ddelweddau. Hwyrach mai dameg yw Titrwm a'r iaith Gymraeg yn destun iddi, sef iaith wedi'i mewnoli, iaith gudd na wyr y fwyafrif ddim amdani, iaith sydd yn goroesi oherwydd iddi gilio o olwg y byd a chael bod yn yr hen winllan. Ond mae Titrwm yn hanes bersonol hefyd sydd yn dangos fel y gall iaith ddod â gobaith i galon y sawl sydd ei angen fwyaf.
Cyfnewidfa Lên Cymru/Wales Literature Exchange