Casgliad o storïau byr, bachog o bob rhan o'r byd sy'n cael eu hadrodd o fewn pum munud, yn cynnwys storïau am dylwyth teg, anifeiliaid dof, brenin uchelgeisiol a thrempyn clyfar.

A collection of short, memorable stories from all over the world that are read in less than five minutes each, including stories about fairies, pets, an ambitious king and a clever tramp.

Dyma gasgliad o ddwsin o storïau o bob rhan o’r byd, wedi eu hadrodd ar CD yn fedrus gan Catherine Aran.

Mae’r storïau hyn, yn chwedlau a storïau gwerin, yn fyr a bachog, ac wedi dal sylw bachgen bywiog 5 oed yn ein tŷ ni, o glywed ambell stori ar y tro.

Mae Catherine Aran yn llwyddo i gymeriadu brenin, trempyn, anifeiliaid ac ambell hen wreigan efo digon o hiwmor a hwyl. Fe ddown i nabod Jac Ddiog o Loegr, Tri Dymuniad y Brodyr Grimm, un o Chwedlau Aesop a nifer o storïau anghyfarwydd hefyd, megis hanes Arafu’r Haul o wlad y Maori.

Bu Catherine Aran yn gweithio fel actores am ddeng mlynedd ac er 1999 bu’n gweithio fel Cyfarwydd yng Ngwynedd yn adrodd storïau i blant lwcus y sir honno er mwyn diddanu ac addysgu. Yn sicr, mae Catherine yn llwyddo i droi geiriau llafar yn lluniau byw.

Lynwen Roberts

Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatâd Cyngor Llyfrau Cymru.

It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council.