Llyfr stori-a-llun hwyliog am griw o anifeiliaid sy'n mynd ar antur mewn trên arbennig. Addas i blant dan 7 oed. Cyfieithiad o'r gyfrol Saesneg, 'Big Blue Train'.

A story in which animals go on an adventure in a big blue train. Suitable for readers aged under 7 years. A Welsh translation of 'Big Blue Train'.

Dyma lyfr mawr 30 tudalen sy'n gwahodd y plentyn i ddod ar y trên mawr gyda Cadi a Cai i barti ar y traeth. Mae'n daith gyffrous a charlamus. Gadael yr orsaf yn gynta ac yna mynd ar frys gwyllt i'r parti pen blwydd sy'n cychwyn am dri. Ar y ffordd, caiff Cadi a Cai gwmni pws, arth, llewpart, dau fwnci, iâr, buwch a chamel wrth iddynt wibio drwy Begwn y Gogledd, y jyngl, fferm a'r anialwch, cyn cyrraedd parti'r ci bach tair oed ar lan y môr. Mae'n antur ryfeddol wrth i bawb geisio gwasgu ar y trên.

Mae'r llyfr wedi'i drosi yn raenus iawn o'r Saesneg. Mae'r odlau yn gwbl naturiol ac yn llwyddo i greu gwefr anhygoel wrth i'r stori gael ei hadrodd. Dyma lyfr hynod o liwgar a deniadol a fyddai'n anrheg hyfryd i blentyn rhwng tair a phump oed. Ac am bum punt namyn ceiniog mae'r daith ar y trên yn werth pob ceiniog!

Sarah Down

Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatâd Cyngor Llyfrau Cymru.

It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council.