Y cyntaf yn y gyfres o nofelau am Alecs Rider, bachgen 14 oed sy'n cael ei ricriwtio'n ysbïwr yn erbyn ei ewyllys. Mae cyfrifiaduron y Tarandon yn cael eu dosbarthu i bob ysgol ym Mhrydain - ond a oes yna reswm sinistr y tu ôl i rodd hael Herod? MaeŸr cloc yn tician, mae'r Tarandon ar fin dod ar-lein - ac mae Alecs yn darganfod gwirionedd enbyd. Addas i ddarllenwyr 9-14 oed.

The first in a series of novels about Alecs Rider, a 14 year old boy who is recruited to be a spy against his will. The Tarandon computers are being distributed to every school in Britain, but has the benefactor Herod got an ulterior motive? The Tarandon is about to go online when Alecs makes a startling discovery ... Suitable for readers aged 9-14 years.

Mae Alex Rider yn bedair ar ddeg oed a phan gaiff ei ewythr ei ladd, mae popeth ym mywyd Alex Rider yn newid. Mae’n cael ei orfodi i weithio i MI6 a cholli'r ysgol - sy’n freuddwyd i’r rhan fwyaf o bobl ond i Alex mae’n hunllef i fyw bywyd cyfrinachol heb siarad â’i ffrindiau amdano.

Caiff ei anfon i gael ei hyfforddi mewn camp SAS ble mae’n rhaid iddo gymryd rhan mewn ymarferion caled. Yna, gyda theclynnau arbennig wedi eu dyfeisio gan ddyn gwahanol ond anhygoel, Mr Smithers, mae’n cael ei anfon i Gernyw lle mae’r biliwnydd Herod Sayle yn creu cyfrifiaduron Stormbreaker. Mae Sayle yn cynnig cyfrifiadur am ddim i bob disgybl ysgol yn y wlad ond mae ’na fwy i’r anrheg nag y mae pobl yn ei gredu.

Mae Tarandon yn llyfr hynod gyffrous a doniol wedi ei ysgrifennu o safbwynt bachgen cyffredin pedair ar ddeg oed. Mae’n llyfr addas i fechgyn a merched yn eu harddegau ac oedolion. Mi faswn i’n sicr yn ei argymell i bawb.

Nia Angharad Tomos

Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatâd Cyngor Llyfrau Cymru.

It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council.