| Gwybodaeth Lyfryddol |
| Dim Eto, Jac!Steven P. Jones
Gweld rhagor o deitlau gan 'Steven P. Jones' |
ISBN: 9781855967854 (1855967855)Dyddiad Cyhoeddi Tachwedd 2007
Cyhoeddwr: Dref Wen, CaerdyddDarluniwyd gan Lisa FoxAddas i oed 0-7 neu Cyfnod Allweddol 1
Fformat: Clawr Meddal, 249x198 mm, 36 tudalen
Iaith: Cymraeg
Ar gael Ein Pris:
£4.99
| |
Sgôr y Cwsmeriaid ar gyfartaledd:
|
|
|
Stori arall am Jac Davies, y bachgen bach sy'n gwirioni ar bêl-droed. Mae Jac yn hoffi chwarae pêl-droed ond, yn anffodus, mae'r bêl yn glanio'n aml yng ngwely blodau Mr Parri drws nesaf!
A story about Jac Davies - the little boy who is crazy about football. Jac likes to play football but, unfortunately, the ball lands quite often next door in Mr Parri's flower beds!
|
|
Dyma stori hyfryd a chwbl gredadwy am Jac, bachgen bach sy’n hoffi chwarae pêl-droed byth a hefyd. Ond fel pob pêl-droediwr brwd o'r un oedran, tydi Jac a’i droed gicio ddim bob amser yn llwyddo i anelu’r bêl yn gywir! Mae’r bêl yn glanio’n amlach nag y dylai yng ngardd Mr Parri drws nesaf – gardd sy’n llawn o flodau lliwgar, hardd.
Ac O, dyna i chi drafferth, wrth i Jac geisio cael ei hoff bêl yn ôl heb i Mr Parri ei weld! Meddylia ef am amryw o ffyrdd, gan gynnwys cael cymorth gan ei gi anwes, Sgwbi, ond methiant yw’r cyfan. Yn wir, mae’n prysur fynd i ddyfroedd dyfnion. Does dim amdani ond mentro i nôl y bêl ei hun. Ar ei bedwar, gwthiodd ei ffordd drwy’r bwlch yn y gwrych ac i gyfeiriad ei bêl, ond beth ddaeth i’w gyfarfod ond pâr o esgidiau mawr!
Rhaid i chi ddarllen y stori i gael gwybod beth ddigwyddodd; ond efallai fod Mrs Parri yn ‘deall’ bechgyn bach yn well na Mr Parri!
Marian Roberts
Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatâd Cyngor Llyfrau Cymru.
It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council.
|
Mae'r teitl yma yn y categori a/neu is-gategori canlynol:
|
|
"Mae Jac wrth ei fodd yn chwarae pêl-droed ac mae'n bêl-droediwr penigamp. Yr unig broblem gyda hyn yw fod y bêl yn hoffi glanio yn yr ardd drws nesaf, sef gardd Mr a Mrs Parri. Un diwrnod, mae Jac allan yn chwarae gyda’i bêl ac mae’n mynd dros y ffens i mewn i ardd Mr a Mrs Parri. Mae Jac yn ymdrechu'n galed iawn i gael y bêl 'nôl, ond tybed a gaiff o'r bêl 'nôl yn y diwedd? Neu a yw Mr Parri am gadw’r bêl? Darllenwch y stori er mwyn dod o hyd i'r ateb . . .
Mae’r stori wedi'i chyflwyno mewn arddull ddarllenadwy gyda geirfa syml a chlir. Mae’r lluniau'n rhai bywiog, clir gyda dawn y darlunydd i’w weld yn glir. Mae’r llyfr yn addas i blant o dan saith oed am ei fod yn dal eu dychymyg a hefyd mae'n stori fydd yn cadw diddordeb y plant.
"
"Dyma un o lyfrau Steven P. Jones sydd wedi'i gyflwyno ar ffurf stori. Mae'r stori'n seiliedig ar fachgen cyffredin o'r enw Jac sydd wedi gwirioni ar bêl-droed. Yn anffodus mae'r bêl yn mynnu glanio ar flodau prydferth Mr Parri drws nesaf. Gallwch ddychmygu nad yw Mr Parri yn hapus iawn!! Chwarae teg i Jac, mae'n ymdrechu'n galed iawn i sicrhau ei fod yn cael ei hoff bêl yn ol. Mae'n defnyddio rhaff, ei anifail anwes a thegan symudol.
Drwy sôn am hyn, caiff y darllenydd flas ar ba mor benderfynol yw Jac. Nid yw Jac yn ildio'n hawdd iawn! Gan ei bod hi'n amhosib i Jac geisio cael ei bêl yn ôl heb i Mr Parri ei weld, mae'n mentro mynd i'w nôl ei hun. Tybed a fydd Jac yn llwyddiannus?
Llyfr clawr meddal sydd yn llawn o ddarluniau lliwgar a deniadol i blant ifanc yw Dim eto, Jac!. Efallai bydd rhai plant yn uniaethu â Jac, gan fod pêl-droed yn rhan o fywydau llawer iawn ohonynt. Mae'r llyfr wedi'i anelu at blant 0-7 oed a byddai'n addas i'w ddarllen yn y dosbarth neu yn y cartref."
|
|
|
