A story set in the future. Energy shortage means that war is being fought between the City and The Countryside; against this backdrop Rhun must find out what is special about herself...

Stori wedi'i lleoli yn y dyfodol. Oherwydd prinder ynni, y mae rhyfel ar droed rhwng y Ddinas a Chefn Gwlad; yn y sefyllfa hon y mae'n rhaid i Rhun ddarganfod beth sy'n arbennig amdani hi ei hun...

A’r stori hon â ni i’r dyfodol. Mae natur cymdeithas wedi newid ac egni wedi mynd yn brin. Mae hyn yn ei dro wedi arwain at ganoli egni yn y dinasoedd. Bu gwrthryfel yn cael ei arwain gan bobl a deimlai bod modd rhannu trydan rhwng pawb. Erbyn hyn, mae yna ryw lun ar heddwch, gyda’r gymdeithas wedi polareiddio yn bobl gefn gwlad a phobl y ddinas. Ond mae criw mentrus yn ceisio newid y drefn . . .

Anodd yw credu mai hon yw nofel gyntaf Sian Northey. Llifa’r stori’n rhwydd gan afael yn nychymyg y darllenydd wrth i ni bendroni am gefndir y ferch, Rhin, a’i chi pwysig, Gwant. Camp y storïwr yw datgelu rhyw fymryn fesul pennod. Dyna a wneir yma mewn nofel sydd wedi ei chynllunio a’i hadrodd yn gelfydd.

Ceir digon o uchafbwyntiau gyda’r arwres ifanc, fel a geir mewn sawl ffilm gyffro, yn ffoi, osgoi a dianc a hithau mewn anwybodaeth am yr erledigaeth. Symuda’r nofel yn gyflym, ac er mai nofel o ddigwyddiadau yw hi, ceir tipyn o ryngweithio rhwng dau ifanc arall, sef y brawd a’r chwaer, Swra ac Aron. Blas diweddglo ffilm James Bond sydd i’r penodau clo cyffrous.

Dyma nofel a allai ddod yn wir, ac mae hi'n haeddu ei lle ar silffoedd ein darllenwyr ieuanc.

Ion Thomas

Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatâd Cyngor Llyfrau Cymru.

It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council.