A pack of two CDs presenting the popular children's author T. Llew Jones reading eleven traditional Welsh folk tales from his book Lleuad yn Olau. First published November 2003.

Pecyn o ddau gryno-ddisg yn cyflwyno'r awdur plant poblogaidd T. Llew Jones yn adrodd y chwedlau Cymreig traddodiadol a geir yn ei gyfrol Lleuad yn Olau. Cyhoeddwyd yn wreiddiol yn Nhachwedd 2003.

Dros gyfnod y Nadolig mae nifer ohonom yn teithio ledled Cymru, neu ymhellach, i ymweld â theulu a chyfeillion. Beth am fwynhau’r siwrnai trwy wrando ar CD a fyddai’n diddori’r plant ac yn dwyn atgofion o’u plentyndod i’r oedolion? Byddai’r milltiroedd yn siŵr o wibio heibio wrth wrando ar lais swynol T. Llew Jones yn darllen un ar ddeg o chwedlau traddodiadol o Gymru. Fy hoff rai yw ‘Morwyn Llyn y Fan’ a ‘Clustiau March’, ac roedd hi’n werth gwrando ar ‘Gwylliaid Cochion Mawddwy’ er mwyn atgoffa’r gŵr pa mor beryglus yw pobl â gwallt coch!

Byddai hon hefyd yn CD addas iawn i’w chael yn y dosbarth. Pa well ffordd i ddisgyblion heddiw gael cyflwyniad i berlau o chwedlau Cymru na thrwy lais gwir arwr llên plant Cymru?

Mae hon yn CD sy’n werth pob ceiniog. Anrheg ddelfrydol!

Angharad Williams

Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatâd Cyngor Llyfrau Cymru.

It is possible to use this review for promotional purposes, but the following acknowledgment should be included: A review from www.gwales.com, with the permission of