A story about a girl who is chosen to play in a rugby team, and how she succeeds to the astonishment of the boys in the team. Suitable for readers aged 7-9 years. First published in 2005.

Merch mewn tîm rygbi! Ni allai'r bechgyn goelio'r peth pan ddywedodd y Prifathro wrthynt y byddai Ffion Huws yn chwarae yn eu tîm nhw. Doedd hi erioed wedi cydio mewn pêl rygbi o'r blaen, heb sôn am chwarae gêm! Pa obaith fyddai ganddynt i guro bechgyn ysgol y Waun nawr? Ond ar y cae, mae'n stori wahanol! Addas i blant 7-9 oed. Cyhoedwyd gyntaf yn 2005.

Pan ddewiswyd Ffion i chwarae i dîm yr ysgol, prin y medrai gredu ei chlustiau. Roedd yn hollol argyhoeddedig nad oedd yn gallu chwarae’r gêm. Doedd aelodau eraill y tîm ddim yn hapus o’i chael yn aelod o’u tîm ac nid oedd pethau’n edrych yn addawol o gwbl ar ôl yr ymarfer cyntaf.

Ond roedd Mr Bowen y prifathro yn hollol hyderus y byddai ei thad-cu yn gallu helpu Ffion. Darllenwn beth oedd cyfrinach tad-cu a sut y llwyddodd Ffion i ennill parch aelodau eraill y tîm.

Bydd rhai o’r darllenwyr yn gallu uniaethu â Ffion ac yn cydymdeimlo â hi. Ond cydymdeimlo â’r bechgyn y bydd eraill.

Mae’r lluniau gan Chris Glynn sydd ar y mwyafrif o’r tudalennau yn berthnasol i’r stori ac yn cyfrannu tuag at apêl y llyfr. Ceir yn y llyfr ambell i gymhariaeth dda. Hoffais yr un am y prifathro: ‘edrychai fel eliffant heb drwnc yn ei dracwisg lwyd’ ond ni fyddai hon hanner mor effeithiol heb y llun o’r prifathro ar ddechrau’r llyfr!

Rwy’n siŵr y bydd y llyfr hwn yn apelio at fechgyn a merched fel ei gilydd.

Delyth Davies

Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatâd Cyngor Llyfrau Cymru.

It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council.