A novel echoing the tale of Little Red Riding Hood about Blodyn Haf, a 10 year-old girl who enjoys preparing a school project and being part of the school netball team, but who also suffers bullying and sees her father wrongfully imprisoned; for readers aged 8-11 years. A sequel to Eco. 35 black-and-white illustrations. Winner of the 2006 Tir na n-Og Award.

Nofel yn adleisio chwedl Hugan Fach Goch yn adrodd hanes Blodyn Haf, merch 10 oed yn mwynhau paratoi cywaith ysgol a bod yn aelod o dîm pêl-rwyd yr ysgol, ond sydd hefyd yn dioddef cael ei bwlio ac yn gweld ei thad yn cael ei garcharu ar gam; i ddarllenwyr 8-11 oed. Dilyniant i Eco. 35 llun du-a-gwyn. Enillydd Gwobr Tir na n-Og 2006.

Bwlio, gwarchod yr amgylchedd a chwedl yr Hugan Fach Goch, dyna’r cynnwys amrywiol a geir yn y llyfr Carreg Ateb. Mae’r cyfuniad yn un effeithiol a diddorol.

Cawn hanes teulu sy’n byw mewn tŷ a gynlluniwyd yn arbennig i warchod yr amgylchedd a’r problemau y mae’r ferch hynaf yn eu hwynebu am ei bod ychydig yn 'wahanol'. Ysgrifennwyd y stori o safbwynt y prif gymeriad, sy’n gweithio'n llwyddiannus oherwydd gall y darllenydd uniaethu â hi. Y mae’r teulu o ran enwau a sefyllfa yn atgoffa rhywun o rai o gymeriadau Jaqueline Wilson, rhywbeth allai ddenu nifer o ddarllenwyr.

Byddai Carreg Ateb yn llyfr da i’w drafod yn y dosbarth gyda phlant blynyddoedd 5 a 6 oherwydd y pynciau a’r amrywiol ffurfiau o ysgrifennu a ddefnyddir. Gallai’r ffaith fod y stori yn newid o fersiwn prif gymeriad chwedl yr Hugan Fach Goch i’w sefyllfa bresennol ddrysu rhai darllenwyr llai hyderus. Er hyn, mae’n llyfr sy’n rhoi llawer o bethau i’r darllenydd feddwl amdanynt a'u trafod.

Gail Roper

Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatâd Cyngor Llyfrau Cymru.

It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council.