A book about the tradition, history, heroes and successes of Welsh rugby. Play Audio

Llyfr am draddodiad, hanes, campau ac arwyr rygbi Cymru. Clip Sain

Dyma lyfr diddorol a defnyddiol iawn sy’n llawn gwybodaeth am y gêm fawr yma yng Nghymru. Yn wir, does dim angen yr un llyfr arall arnoch, oherwydd mae popeth yn gynwysedig yma – o brif elfennau’r gêm i ddyddiadur wythnos ym mywyd chwaraewr rygbi proffesiynol i hanes y Groggs. Mae’r llyfr hwn yr un mor ddiddorol i’r cefnogwr brwd sydd eisoes yn meddwl ei fod yn gwybod popeth ag ydyw i’r cefnogwr ifanc, newydd.

Ceir yma luniau a diagramau lliw sy’n ddeniadol dros ben, ac yn gymorth arbennig wrth geisio deall rheolau’r gêm neu roi wyneb i’r enwau cyfarwydd hynny sy’n arwyr yn hanes y gêm – Barry John, Mervyn Davies a J. P. R. Williams i enwi ond ychydig. Yn anrheg Nadolig gwych, mynnwch gopi i lenwi hosan, a gallaf eich sicrhau fod yna oriau o fwynhad rhwng cloriau’r gôl adlam hwn o lyfr. Mae un peth yn sicr, bydd yna gopi ar fy silff lyfrau i! Hanfodol i bob ffan chwaraeon.

Gareth James

Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatâd Cyngor Llyfrau Cymru.

It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council.